நத்தம்: கொட்டித் தீர்த்த பலத்த மழை!

நத்தம் மற்றும் அதன் சுற்றுவட்டார பகுதிகளில் காலை முதல் கோடை வெப்பம் வாட்டி வதைத்த நிலையில் பொதுமக்கள் வீடுகளை விட்டு வெளியே வரவே அஞ்சினர். இந்த நிலையில் நேற்று மாலை நேரத்தில் நத்தம் மற்றும் சுற்றுவட்டார பகுதிகளான வத்திபட்டி, கோவில்பட்டி, சமுத்திராப்பட்டி, உலுப்பகுடி, வத்திபட்டி, பரளி, சிறுகுடி உள்ளிட்ட பகுதிகளில் சுமார் அரை மணி நேரங்களுக்கு மேலாக கனமழையானது கொட்டி தீர்த்தது.

இதனால் சாலைகளில் தண்ணீர் பெருக்கெடுத்து ஓடியது. இந்த கனமழை காரணமாக வெப்பம் தணிந்து குழுமையான சூழல் நிலவியதால் பொதுமக்களும் விவசாயிகளும் மகிழ்ச்சி அடைந்தனர்.