கெங்கவல்லி புதிய தீயணைப்புநிலையத்தில் அதிகாரி ஆய்வு

கெங்கவல்லி: சேலம் மாவட்டம் கெங்கவல்லி வட்டம் கெங்கவல்லி புதிய தீயணைப்பு நிலையத்தில், நேற்று சேலம் மாவட்ட தீயணைப்புத்துறை உதவி அலுவலர் பாலகிருஷ்ணன், வருடாந்திர ஆய்வு மேற்கொண்டார். தீயணைப்பு வீரர்களிடம் குறைகளை கேட்டறிந்தார். விபத்துக்கள் மற்றும் பேரிடர் காலத்தில் தீயணைப்பு வீரர்கள் சலிப்புத்தன்மை இல்லாமல், ஆர்வத்துடன் பணிகள் மேற்கொள்ள வேண்டும் என அறிவுரை வழங்கினார். இந்த ஆய்வின் போது, நிலைய அலுவலர் (பொ) செல்லபாண்டியன், வேலுமணி மற்றும் வீரர்கள் உடனிருந்தனர்.