ரெயிலில் இருந்து தவறி விழுந்து மூதாட்டி சாவு

சேலம் மாவட்டம், வீரபாண்டி அருகே ரெயிலில் இருந்து 65 வயது மதிக்கத்தக்க மூதாட்டி தவறி விழுந்தார். இதில் பலத்த காயம் அடைந்த அவர் சம்பவ இடத்திலேயே இறந்தார். அவரது முகம் சிதைந்து அடையாளம் தெரியவில்லை. நீளம், வெள்ளை நிறம் கலந்த பூ போட்ட சேலை அணிந்திருந்தார். காதுகளில் சிவப்பு கலர் தோடு, கைகளில் செம்பு வளையல்கள் உள்ளன.

ஈரோடு ரெயில்வே போலீசார் மூதாட்டி உடலை மீட்டு சேலம் அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து இறந்த மூதாட்டி யார்? என்பது குறித்து விசாரணை நடத்தி வருகின்றனர்.