சிறுமியிடம் பாலியல் தொல்லை அளித்த முதியவர் கைது
சேலம் மாவட்டம், சின்னதிருப்பதியில் சிறுமியிடம் பாலியல் தொல்லை அளித்த முதியவரை காவல்துறையினர் கைது செய்தனர்.
Update: 2024-05-17 11:59 GMT
சிறுமிக்கு பாலியல் தொல்லை
சேலம் சின்னதிருப்பதி பகுதியை சேர்ந்தவர் பாபு (வயது 70). இவர், அதே பகுதியில் ரோட்டில் விளையாடி கொண்டிருந்த 7 வயது சிறுமியிடம் ஆசை வார்த்தை கூறி வீட்டிற்கு அழைத்து சென்றார். பின்னர் அவர் சிறுமியிடம் பாலியல் தொல்லை கொடுத்ததாக கூறப்படுகிறது.
இதனால் அதிர்ச்சி அடைந்த சிறுமி, இதுபற்றி தனது பெற்றோரிடம் கூறி அழுதுள்ளார். இதுகுறித்து சிறுமியின் பெற்றோர் அம்மாபேட்டை அனைத்து மகளிர் போலீஸ் நிலையத்தில் புகார் செய்தனர்.
அதன்பேரில் போக்சோ சட்டத்தின் கீழ் பாபு மீது போலீசார் வழக்குப்பதிவு செய்து நேற்று அவரை கைது செய்தனர். பின்னர் அவர் சேலம் கோர்ட்டில் ஆஜர்படுத்தி மத்திய சிறையில் அடைக்கப்பட்டார்.