சேலத்தில் தேரில் இருந்து தவறி விழுந்த முதியவர் பலி
சேலம் செவ்வாய்பேட்டை காளியம்மன் கோயிலில் தேரில் இருந்து தவறி விழுந்த முதியவர் பலியான சம்பவம் பெரும் சோகத்தை ஏற்படுத்தியுள்ளது.
Update: 2024-02-28 01:56 GMT
தேரில் இருந்து விழுந்து முதியவர் பலி
சேலம், செவ்வாய்பேட்டை காளியம்மன் கோயிலில் இருந்து நேற்று சிறிய அளவிலான தேரை இழுத்து சென்றனர். இந்த தேரில் அன்னதானப்பட்டி போடாரங்காடு வள்ளுவர் நகரை சேர்ந்த பெரியசாமி (70) அமர்ந்திருந்தார். செவ்வாய்பேட்டை தீயணைப்பு நிலையம் அருகே சென்றபோது தேரில் இருந்து நிலை தடுமாறி பெரியசாமி விழுந்தார்.
இதையடுத்து அவரை அங்கிருந்தவர்கள் மீட்டு அரசு மருத்துவமனைக்கு கொண்டு சென்றனர். அங்கு தீவிர சிகிச்சை அளித்தும் பலனின்றி அவர் சிறிது நேரத்திலேயே உயிரிழந்தார். இது பற்றி செவ்வாய்பேட்டை போலீசார் விசாரணை நடத்தி வருகின்றனர்.