பைக்கிலிருந்து தடுமாறி விழுந்த முதியவர் உயிரிழப்பு

திருச்சி மாவட்டம் மண்ணச்சநல்லூர் அருகே அழகியமணவாளம் கிழக்கு தெருவை சேர்ந்தவர் 60 வயதான பத்மநாபன். இவர் தனது மோட்டார் பைக்கில் அழகியமணவாளம் சாலையில் சென்று கொண்டிருந்தார்.

அப்போது அங்குள்ள ஒரு கிணற்றின் அருகே சென்று கொண்டிருந்தபோது எதிர்பாராத விதமாக தடுமாறி கிணற்றில் விழுந்துள்ளார். இதில் அவருக்கு படுகாயம் ஏற்பட்டது. விபத்தை கண்ட அக்கம் பக்கத்துனர் அவரை மீட்டு சிகிச்சைக்காக மண்ணச்சநல்லூர் அரசு மருத்துவமனைக்கு கொண்டு சென்றனர். ஆனால் அங்கு பரிசோதித்த மருத்துவர்கள் அவர் உயிரிழந்து விட்டதாக கூறினர்.

இச்சம்பவம் குறித்து தகவலறிந்த மண்ணச்சநல்லூர் போலீசார் சம்பவ இடத்துற்க்கு விரைந்து சென்று உடலை கைப்பற்றி உடற்கூறு ஆய்விற்க்காக ஸ்ரீரங்கம் அரசு மருத்துவமனைக்கு அனுப்பி வைத்தனர்.பின்னர் விபத்து குறித்து போலீசார் வழக்கு பதிவு செய்து விசாரணை செய்து வருகின்றனர்.