இருசக்கர வாகனங்கள் மோதிய விபத்தில் முதியவர் காயம்

திருவட்டார் அருகே மாததூர் புத்தன்வீடு பகுதியை சேர்ந்தவர் முருகன்.சம்பவத்தன்று பைக்கில் திருவட்டார்- அழகிய மண்டபம் சாலையில் சென்று கொண்டிருந்தார். அப்போது பின்னால் திரு வரம்பு பகுதியை சேர்ந்தகிறிஸ்டோபர் ரெஜி என்பவர் ஓட்டிவந்த பைக் திடீரென முருகன் ஓட்டிய பைக் மீது மோதியது.

இதில் படுகாயமடைந்த முருகனை அக்கம் பக்கத்தினர் மீட்டு ஆசாரிப்பள்ளம் அரசு மருத்துவமனையில் சேர்த்தனர். பின்னர் மேல் சிகிச்சைக்காக முருகன் திருவனந்தபுரத்தில் உள்ள ஒரு மருத்துவமனையில் சேர்க்கப்பட்டுள்ளார். இந்த விபத்து குறித்து முருகனின் மகன் மகேஷ் முகுந்தன் திருவட்டார் காவல் நிலையத்தில் புகார் அளித்தார்.

இதன்பேரில் விபத்து ஏற்படுத்திய கிறிஸ்டோபர் ரெஜி மீது போலீசார் இன்று வழக்குப்பதிவு செய்து விசாரணை நடத்தி வருகின்றனர்.