லோடு ஆட்டோ-கார் மோதல் - முதியவர் பலி: 4 பேர் காயம்!

கீரனுார்: புதுக்கோட்டை திருவப்பூரை சேர்ந்தவர் அழகப்பன்(58). இவர் காரில் மனைவி அனுஷியா, அதே பகுதியை சேர்ந்த அப்துல் ரஷீத், மனைவி மனிஷா பேகம் ஆகியோரை அழைத்துக்கொண்டு காரில் திருச்சி சென்றுவிட்டு மீண்டும் புதுக்கோட்டைக்கு திரும்பினார். நார்த்தாமலை அருகே வந்தபோது, எதிரே புதுக்கோட்டை போஸ் நகரை சேர்ந்த மணிகண்டபிரபு என்பவர் ஓட்டிவந்த லோடு ஆட்டோ எதிர்பாராதவிதமாக கார் மீது மோதியது. இதில், படுகாயமடைந்த அழகப்பன் புதுகை அரசு மருத்துவக் கல்லுாரி மருத்துவமனைக்கு கொண்டு செல்லும் வழியில் உயிரிழந்தார். அனுசியா, மனிஷா பேகம், லோடு ஆட்டோவில் வந்த மணிகண்டபிரபு, குளத்தூர் தாலுகா கிளியூரை சேர்ந்த கருப்பையா ஆகிய 4 ' பேரும் சிகிச்சைக்காக புதுக்கோட்டை அரசு மருத்துவக்கல்லூரி மருத்துவமனையில் அனுமதிக்கப்பட்டுள்ளனர். விபத்து குறித்து வெள்ளனூர் போலீசார் வழக்குப்பதிந்து விசாரணை மேற்கொண்டுள்ளனர்.