சொகுசு கார் மோதி முதியவர் உயிரிழப்பு

குலசேகரம் அருகே உள்ள மாஞ்சகோணம், குறும்பேற்றி காலவிளை பகுதியை சேர்ந்தவர் ராஜ மணி.இவர் தினமும் காலையில் வீட்டிலிருந்து டீ சாப்பிட அருகில் உள்ள கொல்லாம்மூடு சந்திப்பு பகுதிக்கு செல்வது வழக்கம். இதே போன்று நேற்று காலை 6 மணிக்கு டீ சாப்பிட சென்றுள்ளார். அப்போது எதிரே வந்த சொகுசு கார் இவர் மீது மோதியது.இதில் சுயநினைவற்றுகிடந்த இவரை அப்பகுதியினர் மீட்டு குலசேகரத்தில் உள்ள தனியார் மருத்துவமனையில் சிகிச்சைக்காக சேர்த்தனர். அங்கு சிகிச்சை பலனின்றி ராஜமணி இறந்தார்.இது குறித்து அவரது மனைவி செல்லாச்சி கொடுத்த புகாரின் பேரில் குலசேகரம் போலீசார் சொகுசு கார் ஓட்டி வந்த பொன்மனை, குளச்சவிளாகம் பகுதியை சேர்ந்த ஜாண்பிரபு என்பவர் மீது வழக்கு பதிவு செய்து விசாரணை நடத்தி வருகின்றனர்.