சேலம் அருகே ரயிலில் அடிபட்டு ஒருவர் பலி
சேலம் அருகே ஏத்தாப்பூர்-மின்னாம்பள்ளி ரயில் நிலையங்களுக்கு இடையே நேற்று முன்தினம் ஆண் ஒருவர் ரயிலில் அடிபட்டு இறந்து நிலையில், போலீஸ் விசாரணை நடக்கிறது.
Update: 2024-06-12 12:15 GMT
பைல் படம்
சேலம் அருகே உள்ள ஏத்தாப்பூர்-மின்னாம்பள்ளி ரெயில் நிலையங்களுக்கு இடையே நேற்று முன்தினம் நள்ளிரவு சுமார் 40 வயதுடைய ஆண் ஒருவர் ரெயிலில் அடிபட்டு இறந்து கிடந்தார். இதுகுறித்து தகவல் கிடைத்ததும் சேலம் ரெயில்வே போலீசார் சம்பவ இடத்துக்கு விரைந்து சென்றனர். பின்னர் அவரது உடலை மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். தொடர்ந்து ரெயிலில் அடிபட்டு இறந்த நபர் யார்?, எந்த ஊரை சேர்ந்தவர்? என்பது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.