வேன் மோதி ஒருவர் பலி

தென்காசி மாவட்டம், கடையம் அருகே உள்ள பொட்டல்புதூரில் அம்பை தென்காசி செல்லும் சாலையில் வேன் மோதி ஒருவர் உயிரிழந்தார். இதில் இருசக்கர வாகனத்தில் பாபநாசத்தில் இருந்து வந்த சமையல் மாஸ்டர் சண்முகம் என்பவர் கட்டுப்பாட்டை இழந்து எதிரே வந்த வேனில் மோதி சம்பவ இடத்திலேயே பரிதாபமாக உயிரிழந்தார். தகவல் அறிந்த போலீசார் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இச்சம்பவம் அப்பகுதியில் பரபரப்பு ஏற்படுத்தி உள்ளது. விபத்து குறித்து ஆழ்வார்குறிச்சி போலீசார் விசாரணை மேற்கொண்டு வருகின்றனர்.