நத்தம் அருகே பைக் மீது லாரி மோதிய விபத்தில் ஒருவர் பலி

திண்டுக்கல் மாவட்டம், நத்தம் அருகே சமுத்திராபட்டியைச் சேர்ந்தவர் ராதாகிருஷ்ணன் (58) விவசாயி. இவர் நேற்று தனது தோட்டத்தில் விளைந்த மாங்காய் நத்தத்தில் உள்ள குடோனில் விற்றுவிட்டு வீடு திரும்பி கொண்டிருந்தார்.

அப்போது நத்தம்- கொட்டாம்பட்டி சாலையில் அப்பாஸ்புரம் அருகே சென்று கொண்டிருந்த போது எதிரே வந்த லாரி மோதியதில் சம்பவ இடத்திலேயே ராதாகிருஷ்ணன் உயிரிழந்தார். நத்தம் போலீசார் விசாரிக்கின்றனர்.