சேலம் வழியே காசி தமிழ் சங்கமம் சிறப்பு ரயில்கள் இயக்கம்

மத்திய அரசு சார்பில் காசி தமிழ்ச் சங்கமம் ஆண்டுதோறும் நடத்தப்படுகிறது. இரண்டாவது காசி தமிழ் சங்கமம் நிகழ்ச்சி வாரணாசியில் வரும் டிசம்பர் 17ந் தேதி தொடங்கி 30 ஆம் தேதி வரை நடக்கிறது. தமிழ்நாட்டில் இருந்து வாரணாசிக்கு மக்கள் செல்வதற்காக சிறப்பு ரயில்களை தெற்கு ரயில்வே நிர்வாகம் இயக்குகிறது. சென்னை, கன்னியாகுமரி, கோவை ஆகிய மூன்று முக்கிய நகரங்களில் இருந்து காசி தமிழ் சங்கமத்திற்காக 7 சிறப்பு ரயில்களை நேற்று தெற்கு ரயில்வே அறிவித்தது. இதன்படி சேலம் ரயில்வே கோட்டத்திற்கு உட்பட்ட கோவையில் இருந்து வாரணாசிக்கு 2 சிறப்பு ரயில்கள் செல்கின்றது. வரும் டிசம்பர் 19 மற்றும் 25ஆம் தேதிகளில் இந்த சிறப்பு ரயில்கள் வாரணாசிக்கு சேலம் வழியே புறப்பட்டு செல்கிறது.