ஊராட்சி ஒன்றியக்கூட்டம்

திருமயம் அரிமளம் ஊராட்சி ஒன்றிய கவுன்சிலர் கூட்டம் ஒன்றிய குழு தலைவர் மேகலா முத்து தலைமையில் நடந்தது. ஆணையர் சிங்காரவேலு முன்னிலை வகித்தார். துணை வட்டார வளர்ச்சி அலுவலர் அருணாச்சலம் மன்றத்தில் நிறைவேற்ற வேண்டிய தீர்மானங்களை படித்தார். அரிமளம் ஒன்றியத்தில் டெங்கு காய்ச்சல் அதிகமாக பரவி வருவதால் தடுப்பு நடவடிக்கைகள் எடுக்க ஒன்றியத்தின் சார்பில் ப்ளீச்சிங் பவுடர், முககவசம் உள்ளிட்ட பொருள்களை வாங்கி வட்டார மருத்துவ அலுவலரிடம் ஒப்படைக்க முடிவு செய்யப்பட்டது. நடந்து முடிந்த திட்டப்பணிகளை விரைவில் மக்கள் பயன்பாட்டுக்கு திறக்க முடிவு செய்யப்பட்டது. பிடிஓ சரவணராஜா நன்றி கூறினார்.