பாபநாசம் : போலீசார் கொடி அணிவகுப்பு பேரணி

வரும் 19ஆம் தேதி நாடாளுமன்ற தேர்தல் நடைபெற உள்ள நிலையில் மக்கள் அச்சமின்றி வாக்களிக்க வேண்டும் என மக்களிடையே விழிப்புணர்வு ஏற்படுத்தும் விதமாக பாபநாசத்தில் பாபநாசம் காவல்துறை கண்காணிப்பாளர் அசோக் தலைமையில் காவல்துறையினரின் கொடி அணிவகுப்பு நடைபெற்றது. பாபநாசம் புதியபேருந்து நிலையத்தில் இருந்து தொடங்கிய இந்த கொடி அணிவகுப்பு பாபநாசம் அரசு ஆண்கள் மேல்நிலை பள்ளிவரை சென்று நிறைவு பெற்றது. சுமார் 2 கிலோமீட்டர் தொலைவிற்கு இந்த கொடி அணி வகுப்பு நடைபெற்றது. மத்திய தொழில் பாதுகாப்பு படையினர் மற்றும் தமிழக காவல்துறையினர் இந்தக் கொடி அணி வகுப்பில் கலந்து கொண்டனர்.