பாஜ செயல்வீரர்கள் கூட்டம்!

விராலிமலை:கரூர் லோக்சபா தொகுதிக்கு உட்பட்ட விராலிமலை சட்டசபை தொகுதி பாஜக கட்சி செயல்வீரர்கள் கூட்டம் மற்றும் தேர்தல் ஆலோசனை கூட்டம் விராலிமலையில் நடந்தது. விராலிமலை தொகுதி அமைப்பாளர் சண்முகசுந்தரம் தலைமை வகித்தார். பொதுக்குழு உறுப்பினர் கென்னடி, மாவட்ட துணைத்தலைவர் ராஜ்குமார், விராலிமலை கிழக்கு ஒன்றிய தலைவர் பாலசுப்பிரமணியன், நிர்வாகிகள் ராமமூர்த்தி, சேகர் ஆகியோர் முன்னிலை வகித்தனர். சிறப்பு அழைப்பாளராக திருச்சி பெருங்கோட்ட பொறுப்பாளர் கருப்பு முருகானந்தம் சிறப்புரையாற்றினார். கரூர் மாவட்ட தலைவர் செந்தில்நாதன் தேர்தல் பணிகள் குறித்து ஆலோசனை வழங்கினார். புதுகை மேற்கு மாவட்ட தலைவர் விஜயகுமார், கோட்ட அமைப்பு செயலாளர் பாலன், கரூர் மாவட்ட பொறுப்பாளர் அஜித்குமார், விராலிமலை தொகுதி பொறுப்பாளர் பழ.செல்வம் மற்றும் சக்தி கேந்திர பல்வேறு அணி நிர்வாகிகள், சக்தி கேந்திர பொறுப்பாளர்கள், கிளை தலைவர்கள் கலந்து கொண்டனர்.