முச்சந்தியம்மன் கோவிலில் பார்வேட்டை உற்சவம்

காஞ்சிபுரம் அடுத்த வில்லிவலம் கிராமத்தில், ஹிந்து சமய அறநிலைய துறை ஆய்வாளர் கட்டுப்பாட்டில், முச்சந்தியம்மன் கோவில் உள்ளது. இந்த கோவிலில், ஆண்டுதோறும் மாசிமக பார்வேட்டை உற்சவம் நடைபெறும். நடப்பாண்டு மாசிமக பார்வேட்டை உற்சவம், நேற்று மதியம் 2:00 மணிக்கு சிறப்பு அபிஷேகம் மற்றும் சந்தன காப்பு அலங்காரம் நடந்தது. அதை தொடர்ந்து, இரவு 8:00 மணிக்கு முயல் விடும் நிகழ்ச்சியும், மலர்களால் அலங்கரிக்கப்பட்ட சிம்ம வாகனத்தில் முச்சந்தியம்மன் வீதியுலா நிகழ்ச்சி நடந்தது."