பாட்டாளி மாணவர் சங்க மாவட்ட செயற்குழு கூட்டம்

அரியலூர் மாவட்ட பாட்டாளி மாணவர் சங்க மாவட்ட செயற்குழு கூட்டம் ஜெயங்கொண்டந்தில் உள்ள மங்களம் மகாலில் நடைப்பெற்றது. மாநில மாணவர் சங்க செயலாளர் கொடுக்கூர் ஆளவந்தார் தலைமையில் நடைபெற்ற நிகழ்ச்சியில் சமூக நீதிபேரவை தலைவர் வழக்கறிஞர் பாலு கலந்து கொண்டு சிறப்புரை ஆற்றினார். இதில் மாணவர்கள் வருங்காலத்தில் சிறந்து விளங்க வேண்டும் என்பதற்காக மதுகடைகள் மற்றும் போதை பொருட்களுக்கு எதிராக போராடிவரும் மருத்துவர் அன்புமணி ராமதாஸை முதல்வராக்க, மாணவர் சங்கம் முழுமையாக பாடுபட வேண்டும் என கேட்டு கொள்ளபட்டது. மேலும் மாணவர்கள், தங்களையும், தங்களது குடும்பத்தையும், தாங்கள் சார்ந்த இயக்கத்தையும் மேம்படுத்த வேண்டும் என வலியுறுத்தபட்டது. இதில் மாநில மாணவரணி செயலாளர் கீர்த்தி மற்றும் பாட்டாளி மாணவர் சங்கத்தினர் பலர் கலந்து கொண்டனர்.