ரயில் நிலையத்தில் நாளை மக்கள் மருந்தகம் திறப்பு

தெற்கு ரயில்வே மதுரைக் கோட்டத்தின் முதல் மக்கள் மருந்தகம் திண்டுக்கல் ரயில் நிலையத்தில் செவ்வாய்க்கிழமை (மாா்ச் 12) திறக்கப்படுகிறது.இதுகுறித்து மதுரையில் செய்தியாளா்களிடம் மதுரைக் கோட்ட மேலாளா் சரத் ஸ்ரீவத்சவா ஞாயிற்றுக்கிழமை தெரிவித்தாவது: ரயில் பயணிகளுக்குத் தேவையான தரமான மருந்துகளை மலிவான விலையில் வழங்கும் வகையில், ரயில் நிலையங்களில் மக்கள் மருந்தகம் அமைக்க மத்திய அரசு நடவடிக்கை மேற்கொண்டுள்ளது. இதன்படி, மதுரை கோட்டத்துக்குள்பட்ட திண்டுக்கல் ரயில் நிலையத்தில் மக்கள் மருந்தகம் அமைக்கப்பட்டுள்ளது. இதன் திறப்பு விழா வருகிற செவ்வாய்க்கிழமை நடைபெறுகிறது. பிரதமா் நரேந்திர மோடி காணொலி மூலம் மருந்தகத்தைத் தொடங்கி வைக்கிறாா் என்றாா் அவா்.