சோளிங்கரில் பாமக வேட்பாளர் பாலு பிரச்சாரம்!

அரக்கோணம் நாடாளுமன்ற தொகுதியில் பாட்டாளி மக்கள் கட்சி சார்பில் போட்டியிடும் வேட்பாளர் வழக்கறிஞர் பாலு சோளிங்கர் பகுதிக்கு உட்பட்ட ஆயர்பாடி, தர்மநீதி, சிறு கரும்பூர், வேகாமங்கலம் உள்ளிட்ட பகுதிகளில் தீவிர வாக்கு சேகரிப்பில் ஈடுபட்டார். அப்போது வேட்பாளர் உடன் தேசிய ஜனநாயக கூட்டணியில் உள்ள கூட்டணி கட்சி நிர்வாகிகள் உடன் இருந்தனர். பிரச்சாரத்தின் போது பாமக வேட்பாளர் பாலு பேசகையில்,"திமுக வேட்பாளராக போட்டியிடக்கூடிய ஜெகத்ரட்சகன் மது ஆலைகளை நடத்தி வருகிறார். வெற்றி பெற்று பொதுமக்களை சந்திக்காதவர் மீண்டும் இரண்டாவது முறையாக போட்டியிடுகிறார். தேர்தலில் மக்கள் தக்க பாடம் புகட்ட வேண்டும்,"என்றார்.