சின்னசேலத்தில் போலீசார் கொடி அணிவகுப்பு ஊர்வலம்

சின்னசேலத்தில் மத்திய போலீசார் மற்றும் உள்ளூர் போலீசாரின் கொடி அணிவகுப்பு ஊர்வலம் நடந்தது. லோக்சபா தேர்தலையொட்டி மக்கள் அச்சமின்றி ஓட்டளிக்க வேண்டி சின்னசேலம் நகர பகுதியில் மத்திய தொழில் பாதுகாப்பு படை போலீசார் 70 கொடி அணிவகுப்பு நடத்தினர். இதில், ஆயுதப்படை போலீசார் 30 பேர், தமிழக சிறப்பு அதிரடிப்படை போலீசார் 20 பேர் என மொத்தம் 120 பேர் பங்கேற்றனர். கள்ளக்குறிச்சி டி.எஸ்.பி., தேவராஜ் தலைமையில் காவல் நிலையத்திலிருந்து ஆஸ்பத்திரி ரோடு, கடைவீதி, காந்தி சிலை, புதிய பஸ் நிலையம் மூங்கில்பாடி ரோடு வழியாக ஊர்வலம் சென்றது. சின்னசேலம் இன்ஸ்பெக்டர் ஹரிகிருஷ்ணன், சப் இன்ஸ்பெக்டர் நரசிம்மஜோதி பங்கேற்றனர்.