ட்ரோன் மூலம் பயிர்களுக்கு மருந்து தெளிப்பது குறித்து செயல் விளக்கம்:

நமது லட்சியம் வளர்ச்சி அடைந்த பாரதம் யாத்ரா மூலம்  வேலூர் மாவட்டம் காட்பாடி அருகே அருகே சேவூர் ஊராட்சியில் ட்ரோன் மூலம் வேளாண் பயிர்களுக்கு மருந்து தெளிப்பது குறித்து விவசாயிகளுக்கு நேரடியாக செயல் விளக்கம் காண்பிக்கப்பட்டது.இதில் விவசாயிகளும் பங்கேற்றனர். இந்த நிகழ்ச்சியில், மத்திய அரசின் மக்கள் தொடர்பக மண்டல இயக்குனர் காமராஜ்,விரிஞ்சிபுரம் வேளாண்மை அறிவியல் ஆராய்ச்சி மையத்தில் திட்ட ஒருங்கிணைப்பாளர். திருமுருகன், மாவட்ட முன்னோடி வங்கி பொது மேலாளர் ஜமால் மொய்தீன் உள்பட பலர் பங்கேற்றனர். இந்த நிகழ்ச்சியில் மெட்ராஸ் உர நிறுவனத்தின் சார்பில் துணை பொது மேலாளர்  ராஜா மூலம் ட்ரோன் செயல் விளக்கம் செய்து காட்டப்பட்டது. ட்ரோன் பயன்படுத்துவதின் மூலம் நேரம் மிச்சப்படுத்தப்படும், ஆட்கள் பற்றாக்குறை தீர்க்கப்படும், இதற்கான செலவும் குறைவுயும் மகசூல் அதிகரிக்கப்படும் மண் வளமும் பாதுகாக்கப்படும் என விவசாயிகளுக்கு சம்பந்தப்பட்ட துறை அலுவலர்கள் மூலம் விவசாயிகளுக்கு தெரிவிக்கப்பட்டது.