மயிலாடுதுறை இன்ஸ்பெக்டருக்கு பதவி உயர்வு

மயிலாடுதுறை காவல் நிலையத்தில் பிப்ரவரி 19ஆம் தேதி பதவி ஏற்று பணியாற்றி வந்த காவல் ஆய்வாளர் அழகேசன் 14-3-24 அன்று துணைக்காவல் கண்காணிப்பாளராக பதவி உயர்வு பெற்றுள்ளார். பணியாற்றக் கூடிய இடம் இன்னும் அறிவிக்கப்படவில்லை. இவர் ஏற்கனவே மயிலாடுதுறையில் 28 .5 .2017 முதல் 25. 4 .2018 வரை மயிலாடுதுறை காவல் ஆய்வாளராக பணியாற்றி அதன் பிறகு இடமாறுதல் பெற்று சென்றவர், கும்பகோணம் காவல் நிலையத்திலிருந்து பிப்ரவரி 19ஆம் தேதி மயிலாடுதுறை காவல் நிலைய ஆய்வாளராக பொறுப்பேற்று பணியாற்றி வந்தார்.

சென்ற பிப்ரவரி மாதம் 28ஆம் தேதி தமிழ்நாடு மற்றும் ஆதீன வரலாற்றில் தருமபுரம் ஆதீனத்தின் ஆபாச வீடியோவை வெளியிடப் போகிறோம் என மிரட்டப்பட்ட வழக்கில் 9 நபர்கள் மீது வழக்கு பதிவு செய்து நான்கு நபர்களை கைது செய்து சிறையில் அடைத்தவர். அதில் ஒருவரை அரசு தரப்பு சாட்சியாக மாற்றியுள்ளார். மயிலாடுதுறை பாஜக மாவட்ட தலைவர் அகோரம் இவ்வழக்கின் முக்கிய குற்றவாளி என்பதால் அவரை பிடிக்க தனிப்படை அமைக்கப்பட்டு இவரால் முடுக்கி விடப்பட்டது குறிப்பிடத்தக்கது.