இலவச கண்ணாடி மற்றும் மருத்துவ உபகரணங்களை வழங்கிய ஏ.சி.சண்முகம்

சென்னை லலிதாம்பிகை மருத்துவ நிறுவனத்தின் சார்பாக வேலூரில் பல்வேறு இடங்களில் தொடர் மருத்துவ முகாம் நடைபெற்று வருகிறது.வேலூர் கொணவட்டம் தனியார் திருமண மண்டபத்தில் நடைபெற்ற இந்த மருத்துவ முகாமில் சுமார் 850 க்கும் மேற்பட்ட நோயாளிகள் கலந்து கொண்டு பயன்பெற்றனர். இந்த மருத்துவ முகாமில் கண் மற்றும் மூக்கு தொண்டை என பல்வேறு மருத்துவ நோய்கள் கண்டறியும் முகாம் மற்றும் அதற்கான சிகிச்சை ஆகியவை வழங்கப்பட்டது. கண்பார்வை பரிசோதிக்கப்பட்டு அவர்களுக்கு கண்ணாடிகள் வழங்கப்பட்டன. மேலும் ஐந்து நாட்களுக்கு இந்த தொடர் மருத்துவ சிகிச்சையானது வேலூர் மாவட்டத்தின் ரங்காபுரம் காட்பாடி குடியாத்தம் கே.வி. குப்பம் உள்ளிட்ட பல்வேறு பகுதிகளில் நடைபெறும் என்று லலிதாம்பிகை மருத்துவ நிறுவனத்தின் ஒருங்கிணைப்பாளர் மணிவண்ணன் தெரிவித்தார். ஏ.சி.எஸ்.கல்விக் குழும தலைவர் ஏ.சி.சண்முகம் கலந்து கொண்டு கண் பார்வை பாதிக்கப்பட்டவர்களுக்கு கண்ணாடி மற்றும் மருத்துவ உபகரணங்களை வழங்கினார்.