மாற்றுத் திறனாளிகளுக்கு இலவச பேருந்து பயணஅட்டை அளிப்பு

தென்காசியில் மாற்றுத் திறனாளிகள் நலத் துறை சாா்பில் இலவச பேருந்து பயண அட்டை வழங்கும் முகாம் நடைபெற்றது. மாவட்ட ஆட்சியா் அலுவலக கூட்டரங்கில் நடைபெற்ற முகாமிற்கு ஆட்சியா் ஏ.கே.கமல்கிஷோா் தலைமை வகித்தாா். முகாமில் மாற்றுத்திறனாளிகள் 368 பேருக்கு இலவச பேருந்து பயண அட்டைகள் மற்றும் மடக்கு குச்சிகள், கருப்பு கண்ணாடிகள், பிரெய்லி கை கடிகாரங்கள் உள்ளிட்ட நலத்திட்ட உதவிகளை பயனாளிகளுக்கு ஆட்சியா் வழங்கினாா். மாற்றுத்திறனாளிகள் நல அலுவலா் ஜெயபிரகாஷ் உள்ளிட்டோா் கலந்துகொண்டனா்.