புதுக்கோட்டை தெற்கு அதிமுக சார்பில் தண்ணீர் பந்தல் திறப்பு

கோடை காலத்தில் கடும் வெயிலின் தாக்கத்தில் இருந்து மக்களை காக்கும் பொருட்டு கழகத்தின் சார்பில் மக்கள் அதிகம் கூடும் இடங்களில் தண்ணீர் பந்தல்கள் அமைத்து மக்களின் தாகம் தணித்திட கூறிய நிலையில்,  புதுக்கோட்டை வடக்கு மாவட்டம் புதுக்கோட்டை தெற்கு நகர கழகம் சார்பில் தண்ணீர் பந்தல் அமைக்கப்பட்டு , மாண்புமிகு முன்னாள் அமைச்சர் டாக்டர்.சி.விஜயபாஸ்கர் அவர்களது,

தலைமையில் பொதுமக்களுக்கு தண்ணீர்,மோர், பானக்கம், மற்றும் கூல்ட்ரிங்க்ஸ் வழங்கப்பட்டது. அதோடல்லாமல் பொதுமக்களுக்கு  தர்பூசணி, பலாச்சுளை, நுங்கு, வாழைப்பழம், இளநீர், வெள்ளரிக்காய் உள்ளிட்ட பழ வகைகள் வழங்கப்பட்டது. இந்நிகழ்வில் திருச்சி நாடாளுமன்ற வேட்பாளரும், மாவட்ட இளைஞர் இளம் பெண்கள் பாசறை செயலாளருமான கருப்பையா, மாவட்ட அவைத் தலைவர் வி.ராமசாமி, மாவட்ட பொருளாளர்  இராமையா, மாவட்ட இளைஞரணி செயலாளர் பழனிவேல்,

மாவட்ட மகளிர் அணி செயலாளர் அன்னலட்சுமி,வடக்கு நகர செயலாளர் பாஸ்கர், மண்டல துணை செயலாளர் சதீஷ்குமார், மற்றும் மாவட்ட ஒன்றிய நகர கழக நிர்வாகிகள் உள்ளாட்சி பிரதிநிதிகள் , ஊர் பொதுமக்கள் கலந்து கொண்டனர். தண்ணீர் பந்தல் ஏற்பாட்டினை புதுக்கோட்டை தெற்கு நகர கழக செயலாளர் SA.சேட் அவர்கள் ஏற்பாடு செய்திருந்தார்.