ரேஷன் அரிசி கடத்தல்: மேலும் இருவர் கைது

தென்காசி மாவட்டம் புளியரை காவல் சோதனை சாவடியில் 17. 2. 2024 ஆம் தேதி ஈச்சர் லாரியில் கேரளாவிற்கு சுமார் 4000 கிலோ ரேஷன் அரிசியை கடத்திய வழக்கில் கோவில்பட்டியைச் சேர்ந்த பட்டுராஜன் என்பவரை போலீசார் கைது செய்து சிறையில் அடைத்தனர். மேலும் இந்த வழக்கில் தொடர்புடைய முக்கிய குற்றவாளிகளான திருநெல்வேலி மாவட்டம் அருவன்குளத்தைச் சேர்ந்த மகாராஜன் என்ற காக்கா மகாராஜன் மற்றும் பாளையங்கோட்டை கொக்கிரகுளம் சேர்ந்த மாடசாமி ஆகியோர் தலைமறைவாக இருந்து வந்தனர். தலைமறைவாக இருந்த மகாராஜன் என்ற காக்கா மகாராஜன், மாடசாமி ஆகியோரை பிடிக்க தனிப்படை அமைக்கப் பட்டது. தனிப்படை காவல் உதவி ஆய்வாளர் வீராசாமி தலைமையில் பாளையங்கோட்டையில் தலைமறைவாக இருந்த. இருவரையும் நேற்று கைது செய்து சிறையில் அடைத்தனர்.