விவசாய வீட்டில் நகை பணம் கொள்ளை

வாணாபுரம் அடுத்த மையனுார் சிங்காரதோப்பை சேர்ந்தவர் முடியப்பன் மகன் இருதயராஜ்,41; விவசாயி. இவர் நேற்று முன்தினம் இரவு 11 மணியளவில் தனது மனைவி மோட்சராகினி,36; மகள் கேத்தரின்ரிக்சி,16; ஆகியோருடன் ஈஸ்டர் பண்டிகைக்காக மையனுாரில் உள்ள தேவாலயத்திற்கு சென்றார். மகன் ஜெப்ரி,11; தனியாக துாங்கியுள்ளார்.

தொடர்ந்து நேற்று நள்ளிரவு 1.30 மணியளவில் வந்து பார்த்த போது, வீட்டின் பின்பக்க கதவு உடைந்திருப்பதை கண்டு இருதயராஜ் அதிர்ச்சியடைந்தார். உள்ளே சென்று பார்த்த போது, பீரோவில் வைத்திருந்த 70 கிராம் எடையுள்ள தங்க நகைகள், ரூ.2 ஆயிரம் பணத்தை மர்ம நபர்கள்கொள்ளையடித்து சென்றத தெரியவந்தது. இதுபற்றி தகவலறிந்த பகண்டைகூட்ரோடு போலீசார் வழக்கு பதிந்து, மர்மநபர்களை தேடி வருகின்றனர்.