சேலம் : மளிகை கடை வியாபாரிக்கு கத்திக்குத்து

சேலம் அரிசிபாளையம் பகுதியை சேர்ந்தவர் சுந்தர்ராஜன் (வயது 48). இவர் அப்பகுதியில் மளிகை கடை நடத்தி வருகிறார். நேற்று இரவு தனது நண்பரை பார்ப்பதற்காக செவ்வாய்பேட்டை பகுதிக்கு சென்ற சுந்தர்ராஜன் அங்குள்ள மேம்பாலம் அருகே நின்று கொண்டிருந்தார். அப்போது அவருக்கும் அந்த வழியாக மோட்டார் சைக்கிளில் வந்த ஒருவருக்கும் இடையே தகராறு ஏற்பட்டது. இதனால் ஆத்திரம் அடைந்த அந்த நபர், கத்தியால் சுந்தர்ராஜனை சரமாரியாக குத்தினார். இந்த தாக்குதலில் படுகாயம் அடைந்த அவர் சேலம் அரசு ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார். இதுகுறித்து செவ்வாய்பேட்டை போலீசார் வழக்குப்பதிவு செய்து விசாரணை நடத்தி வருகின்றனர்.