சேலம் நெத்திமேட்டில் ஆட்டோவில் கொண்டு சென்ற சேலைகள் பறிமுதல்

நாடாளுமன்ற தேர்தலையொட்டி பறக்கும் படையினர் தீவிர சோதனை நடத்தி வருகின்றனர். இந்த நிலையில் சேலம் நெத்திமேடு பஸ் நிறுத்தம் அருகே நேற்று வாகனங்களை நிறுத்தி சோதனை செய்தனர். அப்போது அந்த வழியாக சென்ற ஆட்டோவில் நடத்திய சோதனையில், ஏராளமான மூட்டைகள் அதில் இருந்தன. மேலும் தொடர் சோதனையில் அதில் 1,856 சேலைகள் இருந்தன. உரிய ஆவணம் இன்றி எடுத்துவரப்பட்ட அந்த சேலைகளை பறிமுதல் செய்த அதிகாரிகள் அன்னதானப்பட்டி போலீஸ் நிலையத்தில் ஒப்படைத்தனர். தொடர்ந்து விசாரணை நடைபெற்று வருகிறது.