நாட்றம்பள்ளி அருகே மதுபாட்டில் பறிமுதல்: இருவர் கைது

 திருப்பத்தூர் மாவட்டம் நாட்றம்பள்ளி அடுத்த கொத்தூர் சோதனை சாவடி பகுதியில் மத்திய நுண்ணறிவு பிரிவு போலீசார் மற்றும் வாணியம்பாடி மது விலக்கு அமல் பிரிவு ஆய்வாளர் ஜெயலட்சுமி தலைமையிலான போலீசார் வாகன சோதனையில் ஈடுபட்டிருந்தனர். அபோது கர்நாடகா மாநிலத்தில் இருந்து கொத்தூர் சோதனை சாவடி வழியாக வந்த ஃபார்சூனர் காரை நிறுத்தி சோதனை மேற்கொண்ட போது

அதில் 27 பெட்டிகளில் 2400 மது பாக்கெட்டுகள் இருந்ததை கண்டுபிடிக்கப்பட்டது. இதனை தொடர்ந்து கடத்தலில் ஈடுபட்ட பெரியகசிநாயக்கன்பட்டி கிராமத்தை சேர்ந்த வேல்முருகன்(வயது31), வசந்த்(வயது33) ஆகிய இருவர் கைது செய்து, அவர்கள் வந்த 40 லட்சம் மதிப்பிலான காருடன் 1 லட்சம் மதிப்பிலான மது பாக்கெட்டுகளை போலீசார் பறிமுதல் செய்தனர்.

சம்பவம் குறித்து வாணியம்பாடி மது விலக்கு அமல் பிரிவு போலீசார் வழக்கு பதிவு செய்து கைது செய்யப்பட்ட இருவரை நீதிமன்றத்தில் ஆஜர் படுத்தி சிறையில் அடைத்தனர். மேலும் யார் யாருக்கு தொடர்பு உள்ளது என்பதையும் தீவிரமாக விசாரணை மேற்கொண்டு வருகின்றனர்..