கரூர் மாவட்ட கிரிக்கெட் சங்கம் சார்பில் வீரர்கள் தேர்வு

கரூர் மாவட்ட கிரிக்கெட் சங்கம் சார்பில், வீரர்கள் தேர்வு செய்யும் பணி இன்று கரூர், சின்னாண்டாங் கோவில், வாய்க்கால் மேடு அருகே உள்ள மைதானத்தில், வலை கட்டி, அதற்குள் பவுலிங் வீசுவதற்கும், பேட்டிங் செய்வதற்குமான பயிற்சிகள் நடத்தப்பட்டது. இந்த பயிற்சியில் கரூர் மாவட்ட சுற்று வட்டார பகுதியில் வசிக்கும் 14 வயதுக்குட்பட்ட மாணவர்கள் கலந்து கொண்டு தங்களது திறமைகளை வெளிப்படுத்தினர். அப்போது பவுலிங் செய்யப்பட்ட பந்துகளை, வீரர்கள் விலாசி தள்ளினர். இந்த நிகழ்ச்சி கரூர் மாவட்ட கிரிக்கெட் சங்க தலைவர் ஈஸ்வரமூர்த்தி தலைமையில் நடைபெற்றது. இந்நிகழ்ச்சியில் சங்கத்தின் செயலாளர் சங்கர் கலந்து கொண்டு கிரிக்கெட் வீரர்களின் திறமைகளை பரிசோதித்து, தேர்வு செய்தனர். இன்று நடைபெற்ற இந்த நிகழ்ச்சியில் கரூர் மாவட்டத்தில் இருந்து 40 வீரர்கள் தேர்வு செய்யப்பட்டுள்ளனர் என்பது குறிப்பிடத்தக்கது.