செங்கோட்டையில் கஞ்சா விற்பனை: வாலிபர் கைது !

தென்காசி மாவட்டம் செங்கோட்டையில் மும்பையில் இருந்து மொத்தமாக கஞ்சா கடத்தி வந்து சிறிய பாக்கெட்டுகளாக ஒருவர் விற்பனை செய்வதாக போலீசார் க்கு ரகசிய தகவல் கிடைத்தது. அடுத்து போலீசார் அதிரடி நடவடிக்கை எடுத்தனர். போலீசாரின் தீவிர தேடுதல் இருசக்கர வாகனத்தில் வந்த பாவூர்சத்திரத்தை சேர்ந்த கோகுல்நாத் (24) என்பவர் சிக்கினார். அவரிடம் தீவிர விசாரணை நடத்திய போது இருசக்கர வாகனத்தில் செங்கோட்டை பகுதிக்கு வந்து கஞ்சா பொட்டலங்களை விற்பனை செய்தது தெரிய வந்தது. விற்பனைக்காக வைக்கப் பட்டிருந்த கஞ்சா பொட்டலங்கள் மற்றும் இருசக்கர வாகனத்தை பறிமுதல் செய்த போலீசார் வழக்கு பதிவு செய்து அவரை கைது செய்து சிறையில் அடைத்தனர்.