4வயது சிறுமிக்கு பாலியல் தொல்லை:ஆசிரியர் போக்சோவில் கைது

விருதுநகர் வாடியான் தெருவை சேர்ந்தவர் பெரியசாமி (52). இவர் விருதுநகர் -சிவகாசி சாலையில் உள்ள ஒரு தனியார் மெட்ரிக் பள்ளியில் கணித ஆசிரியராக பணியாற்றி வருகிறார்.இவர் அந்த பள்ளியில் யூ.கே.ஜி. படிக்கும் 4 வயது சிறுமிக்கு பாலியல் தொந்தரவு கொடுத்ததாக கூறப்படுகிறது.

இதனால் பாதிக்கப்பட்ட அந்த சிறுமியை அவரது‌ பாட்டி விருதுநகர் அரசு மருத்துவக் கல்லூரி மருத்துவ மனையில் சிகிச்சைக்காக சேர்த்தார். இதனையடுத்து அந்த சிறுமியின் பாட்டி நேற்று விருதுநகர் அனைத்து மகளிர் காவல் நிலையத்தில் புகார் அளித்தார். அந்த புகாரின் பேரில் ஆசிரியர் பெரியசாமி மீது விருதுநகர் அனைத்து மகளிர் போலீசார் போக்சோ சட்டத்தின் கீழ் வழக்குப்பதிவு செய்து கைது செய்து விசாரணை நடத்தி வருகின்றனர்.