சண்முகபுரம் பகுதியில் மேயர் ஜெகன் பெரியசாமி ஆய்வு

தூத்துக்குடி மாநகராட்சி மேல சண்முகபுரம் 2வது தெரு, பிராமின் காலனி, புதுக்கிராமம் மற்றும் அதனை சுற்றியுள்ள பகுதிகளில் நடைபெற்று வரும் புதிய தார் சாலை பணிகளை மேயர் ஜெகன் பெரியசாமி பார்வையிட்டார். அப்போது அவர் கூறுகையில், சண்முகபுரம் பகுதிக்கு செல்லும் பிரதான சாலை பல ஆண்டுகளுக்கு பின்பு தற்பொழுது தான் புதிதாக போடப்பட்டுள்ளது.

வரும் நாட்களில் அதனை சுற்றியுள்ள மேற்கூறிய பகுதிகளில் நடைபெற்று வரும் பணிகள் விரைந்து முடித்து கொடுக்கப்படும் என்று சண்முகபுரம் பகுதியில் ஆக்கிரமிப்பாளர்களிடம் மீட்கப்பட்ட சாலையில் இருந்து புதுக்கிராமம் இணைக்கும் சந்திப்பில் உயரம் குறைவான மின் விளக்கு ஒன்று அமைக்கப்டும் என்று மேயர் ஜெகன் பெரியசாமி தெரிவித்தார்.

ஆய்வின் போது லெட்சுமணன், திமுக பகுதி செயலாளரும் மாமன்ற உறுப்பினருமான சுரேஷ் குமார், மண்டல தலைவர் அன்னலட்சுமி, பொது குழு உறுப்பினர் கோட்டுராஜா அவர்கள் மற்றும் துறை சார்ந்த அலுவலர்கள் உடன் சென்றனர்.