மதுரையில் ஸ்ரீ மகா பெரியவா அனுஷ வைபவம்

ஸ்ரீ மகா பெரியவா அனுஷ வைபவம் மதுரை அனுஷத்தின் அனுக்கிரகம் அமைப்பு சார்பில் காஞ்சி ஸ்ரீ மகா பெரியவரின் அனுஷ உற்சவம் மதுரை எஸ் எஸ் காலனி எஸ் எம் கே திருமண மண்டபத்தில் நடைபெற்றது. இதனை முன்னிட்டு மகா பெரியவா விக்ரகம் மற்றும் வெள்ளிப் பாதுகைக்கு பால் தயிர் பன்னீர் சந்தனம் விபூதி இளநீர் உட்பட பல்வேறு அபிஷேக ஆராதனைகள் புஷ்பாஞ்சலி மற்றும் மகா தீபாராதனை நடைபெற்றது. இந்நிகழ்வினை சந்தோஷ் சாஸ்திரிகள் தலைமையிலான வேத விற்பன்னர்கள் நடத்தி வைத்தனர்.

நூற்றுக்கும் மேற்பட்ட பக்தர்கள் பங்கேற்று மகா பெரியவரை வழிபட்டனர் கலந்து கொண்ட அனைவருக்கும் அன்னப்பிரசாதம் வழங்கப்பட்டது. நிகழ்ச்சிக்கான ஏற்பாட்டினை மதுரை அனுஷத்தின் அனுகிரகம் நிறுவனர் நெல்லை பாலு செய்திருந்தார். தொடர்ந்துவெள்ளிக்கிழமை மாலை 6 மணிக்கு கலைமாமணி திருப்பூர் கிருஷ்ணன் அவதார புருஷர்கள் என்ற தலைப்பில் பேசினார்.