மேட்டூரில் பத்ரகாளியம்மன் கோவிலில் சின்ன தேரோட்டம்

மேட்டூர் அருகே மேச்சேரியில் சுமார் 800 ஆண்டுகள் பழமை வாய்ந்த அருள்மிகு ஸ்ரீ பத்ரகாளியம்மன் கோயில் உள்ளது. மிகவும் ரசித்தி பெற்ற இக்கோவிலில் மாசி மக தேரோட்டம் விழா கடந்த 14-ம்தேதி தேர் பொங்கல் சுவாமி புறப்பாடுடன் வெகு விமர்சையாக துவங்கியது. நேற்று முன்தினம் (புதன்கிழமை)இரவு 11மணிக்கு சக்தி அழைத்தல் நிகழ்ச்சியும்., நேற்று அதிகாலை 4.30மணிக்கு கொடியேற்றம் நிகழ்ச்சியும் நடைபெற்றது.

இந்நிலையில் மாலை மாலை 4 மணிக்கு சின்ன தேரோட்டம் துவங்கியது.இதில் ஏராளமான பக்தர்களுடன் கலந்து கொண்டு சின்ன தேரை வடம் பிடித்து இழுத்து சென்றார். முக்கிய வீதிகள் வழியாக சென்ற சின்ன தேர் கோவில் வளாகம் முன்பு நிலையத்திற்கு வந்து சேர்ந்தது. நாளைமாலை 4 மணிக்கு பெரிய தேரோட்டம் நடைபெறுகிறது. 26ம்தேதி திங்கட்கிழமை இரவு 10மணிக்கு சத்தாபரணமும் ,27ம் தேதி செவ்வாய்க்கிழமை காலை 8 மணிக்கு கொடி இறக்கம், மஞ்சள் நீராட்டுவுடன் விழா நிறைவு பெறுகிறது.