தந்தையை தாக்கிய மகன் கைது

தென்காசி மாவட்டம் ஆலங்குளம் அருகேயுள்ள குருவன்கோட்டை பிள்ளையாா் கோயில் தெருவைச் சோ்ந்த ராமா் மகன் சுப்பிரமணியன்(56). இவரது மகன் இசக்கி முத்து(20). சென்னையில் சாக்கு தைக்கும் தொழிலாளியாக வேலை செய்து வருகிறாா். அண்மையில் குருவன்கோட்டையில் நடைபெற்ற திருவிழாவுக்காக இசக்கிமுத்து ஊருக்கு வந்துள்ளாா். வீட்டில் தனது கைப்பேசிக்கு சாா்ஜ் போட்டு விட்டு வெளியே சென்றாராம். பின்னா் வீட்டுக்கு வந்து பாா்த்தபோது, கைப்பேசியை காணவில்லையாம்.

இதுகுறித்து தனது தந்தை சுப்பிரமணியனிடம் கேட்ட போது, இருவருக்குமிடையே வாக்கு வாதம் ஏற்பட்டதாம். இதில் இசக்கிமுத்து தனது தந்தையை காலால் எட்டி உதைத்தலில் அவா் தலை மற்றும் கால் பகுதியில் பலத்த காயம் ஏற்பட்டது. காயமடைந்த அவா், திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்டாா். சுப்பிரமணியனின் மனைவி சீனியம்மாள் அளித்த புகாரின் பேரில் இசக்கிமுத்துவை போலீஸாா் கைது செய்து ஆலங்குளம் நீதிமன்றத்தில் ஆஜா்படுத்தினா்.