முத்துகாபட்டியில் சிறப்பு கால்நடை விழிப்புணர்வு முகாம்

சேந்தமங்கலம் அடுத்த முத்துகாபட்டி புதுக்கோம்பை சக்ளாகரடு பகுதியில் சிறப்பு கால்நடை சுகாதாரம் மற்றும் விழிப்புணர்வு முகாம் நடந்தது. முகாமை பஞ்., தலைவர் அருள்ராஜேஸ் துவக்கி வைத்தார். முகாமில் கால்நடைகளுக்கு குடற்புழு நீக்கம், ஆண்மை நீக்கம், நோய்களுக்கு எதிரான தடுப்பூசி, செயற்கை முறை கருவூட்டல், மலடு நீக்க சிகிச்சை, சினை பரிசோதனை உள்ளிட்ட பல்வேறு பரிசோதனைகள், சிகிச்சைகள் 500க்கும் மேற்பட்ட கால்நடைகளுக்கு அளிக்கப்பட்டது. சிறந்த முறையில் கால்நடைகளை பராமரித்து வளர்ப்பு முறையை பின்பற்றிய விவசாயிகளுக்கு பரிசுகள் வழங்கப்பட்டது. முகாமில் பஞ்., துணைத்தலைவர் வருதராஜன், கால்நடை உதவி மருத்துவ அலுவலர் டாக்டர் ஜெயக்குமார், கால்நடை ஆய்வாளர் சரவணன், பராமரிப்பு உதவியாளர் சத்யா, கால்நடை வளர்ப்போர், விவசாயிகள் பங்கேற்றனர்.