இந்தியன் வங்கி பணியாளர்களுக்கான சிறப்பு மருத்துவ முகாம்

கள்ளக்குறிச்சி சஞ்சீவி மருத்துவமனை, நேரு கண் மருத்துவமனை, அகர்வால் கண் மருத்துவ மையம் சார்பில் நடந்த முகாமிற்று, கள்ளக்குறிச்சி கிளை மேலாளர் பாலசுப்ரமணியன் முன்னிலை வகித்தார். உதவி கிளை மேலாளர் கமலேஷ் வரவேற்றார். நேரு கண் மருத்துவமனை தலைமை மருத்துவர் நேரு, டாக்டர் கீர்த்தனா, அகர்வால் கண் மருத்துவ மைய டாக்டர் ஜேக்கப், சஞ்சீவி மருத்துவமனை டாக்டர்கள் நந்தினி, ரமேஷ் தலைமையிலான மருத்துவக்குழுவினர் பரிசோதனை செய்தனர். கள்ளக்குறிச்சி, விளம்பார், கச்சிராயபாளையம், சூளாங்குறிச்சி, ரிஷிவந்தியம், சங்கராபுரம், சின்னசேலம், ஆலத்துார் உள்ளிட்ட இந்தியன் வங்கியின் 23 கிளைகளை சேர்ந்த 200க்கும் மேற்பட்ட பணியாளர்கள் பரிசோதனை செய்து கொண்டனர்.