மழை வேண்டி சிறப்பு தொழுகை

சின்னசேலம் பகுதியில் கோடை வெயிலின் தாக்கம் அதிகமாக உள்ளது. கடந்த ஆண்டு போதிய மழை பெய்யாததால் கோடைகாலம் துவங்கும் முன்னரே சின்னசேலம் பகுதியில் உள்ள ஏரி, குளம் உள்ளிட்ட நீர்நிலைகள் வறண்டன. வறட்சி காரணமாக நிலத்தடி நீர் மட்டம் குறைந்து வருவதால், சின்னசேலம் பகுதியில் பல்வேறு கிராமங்களில் குடிநீர் தட்டுப்பாடு ஏற்பட்டுள்ளது. இதையொட்டி, வெயிலின் தாக்கம் குறைந்து மழை பெய்ய வேண்டி சின்னசேலத்தில் உள்ள ஈத்கா மைதானத்தில் நேற்று காலை 7:00 மணியளவில் சிறப்பு தொழுகை நடந்தது. இதில் சின்னசேலம் பகுதியை சேர்ந்த முஸ்லிம்கள் மழை வேண்டி சிறப்பு தொழுகையில் ஈடுபட்டனர்.