ஸ்ரீகிருஷ்ணா வித்யா மந்திர் பள்ளி ஆண்டு விழா

காஞ்சிபுரம் மாவட்டம்,படப்பை அடுத்த, பனப்பாக்கத்தில் உள்ள ஸ்ரீகிருஷ்ணா வித்யா மந்திர் பள்ளியின் 3ம் ஆண்டு விழா நடந்தது. கிருஷ்ணா கல்விக் குழுமத்தின் நிறுவனத் தலைவர் விவேகானந்தன் தலைமை தாங்கினார். பள்ளியின் தாளாளர் வனிதா விவேகானந்தன் சிறப்புரை ஆற்றினார். குன்றத்துார் ஒன்றிய குழுத் தலைவர் சரஸ்வதி மனோகரன் சிறப்பு விருந்தினராக பங்கேற்று, கலை நிகழ்ச்சி மற்றும் விளையாட்டுப் போட்டிகளில் வெற்றிப் பெற்ற மாணவ - மாணவியருக்கு பரிசுகளை வழங்கினார். விழாவில், வட்டம்பாக்கம் ஊராட்சி தலைவர் மகாலட்சுமி எட்டியப்பன், ஊராட்சி துணைத் தலைவர் கிருஷ்ணமூர்த்தி, முன்னாள் ஊராட்சி தலைவர் நந்தகோபால், வழக்கறிஞர் கார்த்திகேயன் மற்றும் ஆசிரியர்கள், பெற்றோர் பங்கேற்றனர்."