அரசின் சாதனை விளக்கக் கண்காட்சி

கச்சிராயபாளையத்தில் செய்தி மக்கள் தொடர்புத் துறை சார்பில் அமைக்கப்பட்ட அரசின் சாதனை விளக்க புகைப்பட கண்காட்சியை பொதுமக்கள் பார்வையிட்டனர்.

கச்சிராயப்பாளையம் பஸ் நிலையத்தில் செய்தி மக்கள் தொடர்பு துறையின் சார்பில் தமிழக அரசின் சாதனைகள், நலத்திட்டங்கள் குறித்த புகைப்பட தொகுப்பு கண்காட்சி காட்சிப்படுத்தப்பட்டுள்ளன. கள்ளக்குறிச்சி மாவட்டத்தில் செயல்படுத்தப்பட்டுள்ள அரசின் திட்டங்கள் குறித்த புகைப்பட தொகுப்பு, அமைச்சர்கள், கலெக்டர் மற்றும் எம்.எல்.ஏ.,க்கள் பங்கேற்ற முக்கிய நிகழ்வுகள், அரசின் நலத்திட்ட உதவிகள், தமிழக முதல்வரின் சிறப்பு திட்டங்கள் குறித்து வைக்கப்பட்டுள்ள புகைப்பட தொகுப்புகளை ஏராளமானோர் பார்வையிட்டனர்.