எஸ்.டி.பி.ஐ. மாநாடு: சேலத்தில் அதிகம் பேர் பங்கேற்பு

எஸ்.டி.பி.ஐ. கட்சியின் சேலம் மாவட்ட தலைவர் ஷரீப்பாஷா வெளியிட்டுள்ள அறிக்கையில் கூறி இருப்பதாவது:- எஸ்.டி.பி.ஐ. கட்சி சார்பில் இன்று (ஞாயிற்றுக்கிழமை) மதுரையில் மதச்சார்பின்மை பாதுகாப்பு மாநாடு மாநில தலைவர் நெல்லை முபாரக் தலைமையில் மதியம் 2.30 மணிக்கு கொடியேற்றதுடன் தொடங்குகிறது.

இதில் கட்சியின் அகில இந்திய தலைவர் எம்.கே.பைஜி மற்றும் அ.தி.மு.க. பொதுச்செயலாளர் எடப்பாடி பழனிசாமி ஆகியோர் கலந்து கொண்டு பேசுகின்றனர். இந்த மாநாட்டில் சேலம் மேற்கு மாவட்டம் சார்பில் சேலம் வடக்கு, மேற்கு, மேட்டூர், எடப்பாடி, சங்ககிரி ஆகிய சட்டசபை தொகுதிகளில் இருந்து மாவட்ட தலைவரான எனது தலைமையில் (ஷரீப்பாஷா) ஆயிரத்துக்கும் மேற்பட்டவர்கள் கலந்து கொள்கின்றனர்.

நாங்கள் இன்று காலை மதுரைக்கு புறப்பட்டு செல்கிறோம். இதற்கான பணிகளை மாவட்ட பொதுச்செயலாளர் விக்காயத்துல்லா, செயலாளர் சேக் மூஸா, பொருளாளர் பைரோஸ், மாவட்ட துணைத்தலைவர் தர்வேஸ் மைதீன் செயற்குழு உறுப்பினர்கள் ரிஸ்வான், இப்ராஹிம், முகமது முஸ்தபா உள்ளிட்டோர் ஒருங்கிணைத்து வருகிறார்கள். இவ்வாறு அதில் கூறப்பட்டுள்ளது.