தனியார் கல்லூரி விடுதியில் மாணவர் தூக்கிட்டு தற்கொலை.

மேட்டூர் அருகே மேச்சேரியில் தனியார் பொறியியல் கல்லூரி செயல்பட்டு வருகிறது. இக்கல்லூரியில் கடலூர் மாவட்டத்தை சேர்ந்த மாணவன் பிரவீன் ராஜ்(19) பொறியியல் முதலாம் ஆண்டு படித்து வந்தார். நேற்று காலை கல்லூரிக்கு செல்லாமல் விடுதியில் தங்கி விட்டார். சக மாணவர்கள் மதிய உணவு இடைவேளையில் வந்து பார்த்தபோது மாணவன் விடுதி அறையில் உள்ள மின்விசிறியில் தூக்கிட்டு தற்கொலை செய்து கொண்டு சடலமாக தொங்கினார். இது குறித்து உடனடியாக மேச்சேரி காவல் நிலையத்திற்கு கல்லூரி நிர்வாகத்தினர் தகவல் தெரிவித்தனர். சம்பவ இடத்திற்க்கு வந்த காவல்துறையினர் மாணவன் சடலத்தை கைப்பற்றி சேலம் அரசு மருத்துவமனைக்கு அனுப்பி வைத்து விசாரணை நடத்தினர்.