மெழுகுவர்த்தி ஏந்தி மாணவிகள் உறுதிமொழி

விழுப்புரம் மாவட்டம் செஞ்சி அடுத்த ஆலம்பூண்டியில் உள்ள ஸ்ரீரங்க பூபதி நர்சிங் கல் லூரியில் மெழுகுவர்த்தி ஏந்தி உறுதிமொழி எடுக்கும் நிகழ்ச்சி நடைபெற்றது. இதற்கு கல்லூரியின் தாளாளரும், வக்கீலுமான ரங்க பூபதி தலைமை தாங்கினார். செயலாளர் ஸ்ரீபதி முன்னிலை வகித்தார். முதல்வர் மேனகா காந்தி வரவேற்றார், சிறப்பு விருந்தினராக விழுப்புரம் மாவட்ட சுகாதார பணிகள் துணை இயக்குனர் செந்தில்குமார் கலந்துகொண்டு பேசினார். இதில் பி.எஸ்சி. நர்சிங், டிப்ளமோ நர்சிங், ஏ.என்.எம். ஆகிய பயிற்சிகளில் பயிலும் மாணவ-மாணவிகள் பலர் கலந்து கொண்டு மருத்துவ சேவையை சிறப்பாக செய்வோம் என்று மெழுகுவர்த்தி ஏந்தியபடி உறுதிமொழி ஏற்றுக்கொண்டனர், நிகழ்ச்சியில் பேராசிரியர்கள் மாலதி, பிரியங்கா, ஜீவரேகா, சுகந்தி உள்பட ஆசிரியர்கள், மாணவ, மாணவிகள் பலர் கலந்து கொண் டனர்.