ஊத்தங்கரை அருகே பைக் மீது டாரஸ் லாரி மோதி விபத்து: வாலிபர் பலி

 கிருஷ்ணகிரி மாவட்டம் ஊத்தங்கரை அடுத்த எம்ஜிஆர் நகர் பகுதியை சேர்ந்தவர் சுந்தரம் என்பவரது மகன் கார்த்திக் 26 இவருக்கு திருமணம் ஆகி நான்கு ஆண்டுகள் ஆன நிலையில் ஷாலினி என்ற மனைவியும் மூன்று வயதில்,

ஆண் குழந்தையும் உள்ளது இந்த நிலையில் இன்று அவரது சகோதரி வீட்டிற்கு சென்று விட்டு மீண்டும் ஊத்தங்கரை வழியாக எம்ஜிஆர் நகருக்கு வரும் பொழுது எம்ஜிஆர் நகர் பகுதியில் புதிதாக அமைக்கப்பட்ட மேம்பாலத்தின் கீழ் பகுதியில் இருசக்கர வாகனம் நிலை தடுமாறி சாலையின் நடுவே,

அமைக்கப்பட்ட தடுப்புச் சுவரை மோதி நிலை தடுமாறி சாலையின் எதிர் திசையான திருப்பத்தூர் பகுதியில் இருந்து ஊத்தங்கரை நோக்கி வரும் சாலையில் விழுந்துள்ளார் அப்பொழுது திருப்பத்தூர் பகுதியில் இருந்து ஊத்தங்கரை நோக்கி வந்த கல் பாரம் ஏற்றி வந்த டாரஸ் லாரி கார்த்திக் தலை மீது ஏறி விபத்து ஏற்பட்டது.

இந்த விபத்தில் தலை நசுங்கி சம்பவ இடத்திலேயே துடிதுடித்து உயிரிழந்தார் தகவல் அறிந்து சம்பவப் பகுதிக்கு விரைந்து வந்த ஊத்தங்கரை காவல்துறையினர் விபத்து குறித்து நேரில் விசாரணை மேற்கொண்டு இறந்த கார்த்திக் என்பவரின் உடல் ஆம்புலன்ஸ் மூலமாக,

ஊத்தங்கரை அரசு மருத்துவமனையில் பிரேத பரிசோதனைக்காக உடல் அனுமதிக்கப்பட்ட நிலையில் சம்பவ பகுதியில் விபத்தை ஏற்படுத்திய லாரி மற்றும் இருசக்கர வாகனத்தை காவல் நிலையத்திற்கு எடுத்துச் சென்று விசாரணை மேற்கொண்டு வருகின்றனர்.