சாலை விபத்தில் டீ மாஸ்டர் பலி

உளுந்துார்பேட்டை அடுத்த திருநாவலுார் பகுதியைச் சேர்ந்தவர் முருகதாஸ், 40; இவர், பாதுார் கடையில் டீ மாஸ்டர். இவர் நேற்று காலை திருநாவலுாரில் இருந்து உளுந்துார்பேட்டை நோக்கி பைக்கில் சென்று கொண்டிருந்தார்.

காலை 8:00 மணியளவில் உளுந்துார்பேட்டை அடுத்த சின்னக்குப்பம் அருகே சென்றபோது சென்னையிலிருந்து திண்டுக்கல் நோக்கிச் சென்ற எர்டிகா கார், பைக் மீது மோதியது. இதில் படுகாயமடைந்த முருகதாஸ் சம்பவ இடத்திலேயே பரிதாபமாக இறந்தார். விபத்து குறித்து திருநாவலுார் போலீசார் வழக்குப் பதிந்து விசாரித்து வருகின்றனர்.