சேலத்தில் போலீஸ் ஏட்டை தாக்கிய வாலிபர் கைது

சேலம் ஏற்காடு அடிவாரம் பகுதியில் உள்ள தனியார் பள்ளி அருகே நேற்று மாலை தகராறு நடப்பதாக கிடைத்த தகவலின் பேரில் கன்னங்குறிச்சி ஐஎஸ் ஏட்டு பூபதி விரைந்து சென்றார். அங்கு போக்குவரத்துக்கு இடையூறாக சாலையில் வாகனங்களை நிறுத்தி விட்டு 5பேர் போட்டோ எடுத்துக்கொண்டிருந்தனர். அப்போது அவர்களை அங்கு நிற்க வேண்டாம் என ஏட்டு பூபதி தெரிவித்தார். அப்போது, அதில் ஒருவர் திடீரென பூபதியை தாக்கினார். 'பின்னர் இதுபற்றி கன்னங்குறிச்சி போலீசார் விசாரித்ததில், பூபதியை தாக்கியது கள்ளக்குறிச்சி மாவட்டம் சங்கராபுரம் பகுதியை சேர்ந்த சதாம்உசேன் (28) என்பது தெரிந்தது. இதையடுத்து அவர் மீது 4பிரிவின் கீழ் வழக்கு பதிவு செய்து அவரை போலீசார் கைது செய்தனர்.