வேலூரில் கஞ்சா விற்ற வாலிபர் கைது!

வேலூர் வடக்கு காவல் நிலைய போலீசார் கொணவட்டம், சேண்பாக்கம் பகுதியில் ரோந்து பணியில் ஈடுபட்டிருந்தனர். அப்போது வேலூர் மண்டல கால்நடை மருத்துவமனை அருகே நின்று கொண்டிருந்த வாலிபரை சந்தேகத்தின்பேரில் பிடித்து போலீசார் விசாரித்தனர். அதில், அவர் அரியூரை சேர்ந்த சுபாஷ் சந்திரபோஸ் (26) என்பதும், கஞ்சா வைத்திருப்பதும் தெரிய வந்தது. இதையடுத்து அவரை போலீசார் கைது செய்து, 100 கிராம் கஞ்சாவை பறிமுதல் செய்தனர்.